Join as a Volunteer
Po kërkoni një eksperiencë vullnetare në Shqipëri apo jashtë vendit? Më poshtë do të gjeni disa nga programet dhe platformat më të njohura ku të rinjtë mund të angazhohen në vullnetarizëm. Eksploroni mundësitë, njihuni me kriteret e pjesëmarrjes dhe ndiqni lidhjet për të mësuar më shumë dhe për të aplikuar në programin që ju përshtatet më mirë.
European Solidarity Corps (ESC)
European Solidarity Corps është programi i Bashkimit Evropian që u ofron të rinjve mundësinë të angazhohen në projekte vullnetare në vende të ndryshme të Evropës, duke zhvilluar aftësi personale dhe profesionale ndërsa kontribuojnë në komunitet. Programi është i hapur për të rinjtë 18–30 vjeç, nuk kërkon kualifikime akademike dhe projektet zgjasin nga 2 javë deri në 12 muaj. Shpenzimet e akomodimit, ushqimit dhe udhëtimit mbulohen nga programi.
Ku të aplikoni? youth.europa.eu/solidaritySCI Volunteer Camps
SCI Volunteer Camps janë projekte ndërkombëtare vullnetare afatshkurtra të organizuara nga Service Civil International, ku pjesëmarrësit kontribuojnë në iniciativa sociale, kulturore, mjedisore dhe komunitare së bashku me të rinj nga vende të ndryshme. Mund të aplikojë çdo person mbi 18 vjeç dhe nuk ka kufi maksimal moshe. Projektet zakonisht zgjasin nga 1 deri në 3 javë dhe pjesa më e madhe e shpenzimeve mbulohet, përveç kostos së udhëtimit.
Ku të aplikoni? workcamps.sci.ngoSCI Long-Term Volunteering (LTV)
Long-Term Volunteering (LTV) është programi i vullnetarizmit afatgjatë i Service Civil International, që u mundëson pjesëmarrësve të kontribuojnë në organizata dhe komunitete në vende të ndryshme të botës. Programi është i hapur për persona mbi 18 vjeç, pa kufi maksimal moshe, dhe projektet zgjasin nga disa muaj deri në një vit, me shpenzimet kryesore të mbuluara nga organizatat pritëse.
Ku të aplikoni? sci.ngoVullnetarizëm Lokal
Vullnetarizmi lokal ofron mundësinë për të kontribuar drejtpërdrejt në komunitetin ku jetoni përmes organizatave të shoqërisë civile, bashkive, shkollave, qendrave sociale dhe komunitare. Mund të angazhohet çdo person që dëshiron të japë kontribut në komunitetin e tij, ndërsa kohëzgjatja ndryshon sipas aktivitetit ose organizatës që organizon iniciativën.
Ku të aplikoni? pvnalbania.orgShkëmbime Rinore & Trajnime
Shkëmbimet rinore dhe trajnimet janë aktivitete ndërkombëtare afatshkurtra që përdorin edukimin joformal për të zhvilluar njohuritë, aftësitë dhe kompetencat e të rinjve në tema të ndryshme si demokracia, mjedisi, përfshirja sociale dhe qytetaria aktive. Ato janë të hapura për të rinjtë dhe punonjësit rinorë, sipas kritereve të secilit projekt, dhe zakonisht zgjasin nga disa ditë deri në dy javë.
Ku të aplikoni? www.salto-youth.net · www.volunteerworld.com · pvnalbania.orgVolunteer Registration Form
Thank you for your interest in joining us as a volunteer! Please fill out this short form and we will get back to you.